Reality, Ability, Genuine, Unity — உண்மை, ஆற்றல், நேர்மை, ஒற்றுமை.

இந்தியா சீனா பறக்கிறார் மைத்திரி

எதிர்வரும் பெப்ரவரி மாதம் நடுப்பகுதியில் இந்தியாவிற்கான பயணத்தை மேற்கொள்ளும் சிறீலங்கா ஜனாதிபதி மைத்திரிபால சிறிசேனா அடுத்து சீனாவுக்கான பயணத்தை மார்ச் மாதம் மேற்கொள்ளவுள்ளார்.

சீனாவுக்கான பயணத்திற்கு முன்னர் இந்தியப் பிரதமர் நரேந்திரமோடி சிறீலங்காவுக்கான பயணத்தை மேற்கொள்ளவுள்ளார். இப்பணத்தின் பின்னரே மைத்திரிபால சிறீசேனா சீனாவுக்கான உத்தியோகபூர்வ பயணத்தை மேற்கொள்ளவுள்ளார் எனக் கொழும்புச் செய்திகள் தெரிவிக்கின்றன.

இந்தியா செல்லும் மைத்திரிபால சிறிசேனா இரு நாடுகளுக்கிடையேயான நலிவுற்றிலிருக்கும் அரசியல் மற்றும் பொருளாதார உறவுகளை மேலும் வலுப்படுத்தல், மீனவர் விவாகாரம், இலங்கை அகதிகள் விவகாரம் போன்ற விடயங்கள் தொடர்பிலான பேச்சுகக்களில் ஈடுபடுவார் எனக் கூறப்படுகிறது.

24

01 2015

மைத்திரி கட்சியில் 2 உப தலைவர்கள், 2 பிரதி செயலாளர்கள் நியமனம்

ஸ்ரீலங்கா சுதந்திரக்கட்சியின் உப தலைவர்களாக முன்னாள் அமைச்சர்களான எஸ்.பி. திஸாநாயக்கா மற்றும் மஹிந்த யாப்பா அபேவர்த்தன ஆகியோரும் பிரதி செயலாளர்களாக டிலான் பெரேரா, மஹிந்த சமரசிங்க ஆகியோரும் நியமிக்கப்பட்டுள்ளதாக கட்சி தகவல்கள் தெரிவிக்கின்றன.

இந்த நியமனங்கள் ஸ்ரீலங்கா சுதந்திரக்கட்சி தலைமையகத்தில் நேற்று வெள்ளிக்கிழமை நடைபெற்ற கட்சியின் மத்திய குழுக்கூட்டத்தின் போது வழங்கப்பட்டிருப்பதாக தெரிவிக்கப்படுகின்றது.

24

01 2015

மேல்மாகாண ஆளுநராகிறார் கே.சி.லோகேஸ்வரன்

இலங்கையின் மூன்று மாகாணங்களுக்கு புதிய ஆளுநர்கள் நியமிக்கப்பட்டுள்ளனர்.

ஜனாதிபதி மைத்திரிபால சிறிசேன இந்த நியமனங்களை வழங்கியுள்ளார்.

 

மேல் மாகாணத்துக்கு முன்னாள் ராஜதந்திரியும் பொருளாதார நிபுணருமான கே.சி.லோகேஸ்வரன் புதிய ஆளுநராக நியமிக்கப்பட்டுள்ளார்.

தென்மாகாணத்துக்கு முன்னாள் அமைச்சர் ஹேமகுமார நாணயக்கார நியமிக்கப்பட்டுள்ளார்.

வடமேல் மாகாணத்துக்கு முன்னாள் அமைச்சர் அமரா பியசீலி ரட்நாயக்க நியமனம் பெற்றுள்ளார் என்று ஜனாதிபதி ஊடகப்பிரிவு தெரிவித்துள்ளது.

23

01 2015

மாகாண சபை விடயங்களில் நான் தலையிட விரும்பவில்லை

கிழக்கு மாகாண சபையின் பெரும்பான்மை ஆதிக்கம் தற்போது எம்மிடம் உள்ளது. அதேபோல் தமிழ் தேசிய கூட்டமைப்பு தேசிய அரசாங்கத்தின் எந்தவொரு அமைச்சு பதவியினையும் ஏற்கவில்லை. எனினும் சிறிலங்கா முஸ்லிம் காங்கிரஸ் தேசிய அரசாங்கத்தின் பிரதான அங்கம் வகிக்கும் கட்சியாகவும் அமைச்சு பதவிகளையும் ஏற்றுள்ளது.

இந்நிலையில் கிழக்கு மாகாண சபையின் முதலமைச்சு பதவியினை தமிழ் தேசிய கூட்டமைப்புக்கு வழங்க வேண்டும் என்ற கோரிக்கையினை நாம் ஜனாதிபதி மைத்திரிபால சிறிசேனவிடம் முன்வைத்துள்ளோம்.

இதன்போது ஜனாதிபதி மைத்திரிபால சிறிசேன எமது கோரிக்கைகளை நியாயம் என ஏற்றுக் கொண்டுள்ளதுடன் எமது பக்க கருத்துக்களையும் புரிந்து கொண்டுள்ளார்.

எனினும் மாகாணசபை விடயங்களில் ஜனாதிபதி மைத்திரிபால சிறிசேன தலையீட விரும்பவில்லை எனவும் மாகாண சபையின் கட்சிகளுக்கு இடையிலேயே பேச்சுவார்த்தைகளை நடத்தி சுமுகமான தீர்மானம் ஒன்றினை எடுக்க கோரியும் எம்மிடம் தெரிவித்துள்ளார்.

எனினும் கிழக்கு மாகாணத்தின் ஆட்சி அமைப்பது தொடர்பில் ஜனாதிபதி மைத்திரிபால சிறிசேன தலையிட்டு நியாயமான தீர்வொன்றினை பெற்றுத் தர கோரியும் நாம் ஜனாதிபதியிடம் தெரிவித்துள்ளோம் எனவும் அவர் தெரிவித்திருந்தார்.

இதேவேளை கிழக்கு மாகாணத்தின் ஆட்சி அமைப்பது தொடர்பில் தமிழ் தேசிய கூட்டமைப்பு மற்றும் சிறிலங்கா முஸ்லிம் காங்கிரஸ் ஆகிய கட்சிகளுக்கிடையே தொடர்ச்சியாக பல பேச்சுவார்த்தைகள் இடம்பெற்று வந்த நிலையில் இரு தரப்பினரிடையேயும் சுமுகமான தீர்மானமொன்று எட்டப்பட்டிருக்கவில்லை. இந்நிலையில் எதிர்வரும் பத்தாம் திகதி கிழக்கு மாகாணத்தின் கூடவுள்ள நிலையில் அன்றைய தினம் தீர்மானமொன்றிற்கு வருவது தொடர்பில் பேச்சுவார்த்தை நடத்தலாம் என சிறிலங்கா முஸ்லிம் காங்கிரஸ் தெரிவித்துள்ளமையும் குறிப்பிடத்தக்கது.

23

01 2015

வித்தியாதரனிடமிருந்து விசாரணைகள்

கடந்த காலங்களில், ஊடகவியலாளர்கள் மற்றும் முக்கிய புள்ளிகளை வெள்ளை வான்களில் கடத்திச் சென்று கொலை செய்த சம்பவங்கள் தொடர்பில், வெள்ளை வானில் கடத்தப்பட்டு நீதிமன்றினூடாக விடுதலை செய்யப்பட்ட மூத்த ஊடகவியலாளர் என்.வித்தியாதரனிடமிருந்து விசாரணைகள் ஆரம்பிக்கப்படவுள்ளது.

இது தொடர்பாக மூத்த ஊடகவியலாளர் என்.வித்தியாதரனிடம் தொடர்புகொண்டு கேட்டபோது,

“தலைநகரிலிருந்து முக்கிய அமைச்சரொருவர் இவ்விடயம் தொடர்பில் என்னிடம் வினவினார். 2009ஆம் ஆண்டு பெப்ரவரியில் வெள்ளை வானில் வந்தவர்களால் நான் கடத்தப்பட்டேன்.

அதன் பின்னர், இந்த கடத்தல் தொடர்பில் மேலிடத்துக்கு அழுத்தம் அதிகரித்ததால் குற்றப் புலனாய்வுப் பிரிவினரிடம் ஒப்படைக்கப்பட்டேன். வெள்ளை வானில் கடத்தப்பட்டு உயிருடன் மீண்டவன் என்ற அடிப்படையில் அக்கடத்தல்கள் தொடர்பாக என்னிடம் விவரங்களை பெறவேண்டும் எனவும் அதற்கு ஒத்துழைக்குமாறும் என்னை அந்த அமைச்சர் கேட்டுக்கொண்டார். என் தரப்பு அனுபவங்களை அவர்களுக்கு வழங்க தயாராக இருப்பதாக நான் அவருக்கு தெரிவித்தேன்” என்று கூறினார்.

23

01 2015

அரசாங்க ஊழியா்களுக்கு அடுத்த மாதம் 5000 ரூபா

அரசாங்கத்தின் 100 நாட்கள் திட்டத்தில் கூறியது போன்று, எதிர்வரும் 29 ஆம் திகதி சமர்பிக்கப்படவுள்ள இடைக்கால வரவு- செலவுத்திட்டத்தில் அரசாங்க ஊழியர்களுக்கு முதல்கட்டமாக 5,000 ரூபாய் சம்பளம் அதிகரிக்கப்படவுள்ளதாக பொருளாதார அமைச்சர் ரவி கருணாநாயக்க தெரிவித்தார்.

எதிர்வரும் ஜுன் மாதம் மேலும் 5,000 ரூபாய் அரசாங்க ஊழியர்களுக்கு அதிகரிக்கப்படவுள்ளது. எனினும் தனியார் துறை ஊழியர்களுக்கு சம்பளம் அதிகரிக்குமாறு பரிந்துரை செய்யப்படமாட்டாது எனவும் அவர் தெரிவித்தார்.

தனியார் துறை ஊழியர்களுக்கான சம்பள அதிகரிப்புக்காக திறைச்சேரியில் போதுமான நிதி இல்லை எப்படியிருப்பினும் இவ்விடயம் தொடர்பில் கவனம் செலுத்தப்படும்

23

01 2015

கிளிநொச்சியில் இ.போ.ச – தனியார் பஸ் ஊழியர்கள் மோதல்

இலங்கை போக்குவரத்து சபையின் கிளிநொச்சி சாலை ஊழியர்களுக்கும் தனியார் பஸ் சங்க ஊழியர்களுக்கும் இடையில் கிளிநொச்சி கோவிந்தன் கடைச் சந்தியில் 21.01.2015 புதன்கிழமை அன்று பிற்பகல் கைகலப்பு ஏற்பட்டது.

இதன் தொடர்ச்சியாக இன்று நேரப்பிரச்சனை காரணமாக கிளிநொச்சியில் தனியார் பேருந்து போக்குவரத்து ஊழியர்களுக்கும் அரச பேருந்து போக்குவரத்து ஊழியர்களுக்கும் இடையில் மோதல் ஏற்பட்டுள்ளது.kilinochy bus 01

23

01 2015

கிழக்கு மாகாண சபை உறுப்பினர்கள் ஜனாதிபதியை சந்திக்கின்றனர்

தமிழ்த் தேசியக் கூட்டமைப்பின் தலைமையை இன்று சந்தித்த கிழக்கு மாகாண சபை உறுப்பினர்கள் நாளை மாலை ஜனாதிபதியை சந்திக்கவுள்ளதாக தெரிவிக்கப்படுகிறது.

நேற்று கிழக்கு மாகாணசபை ஒத்திவைக்கப்பட்டவுடனே உடனடியாக தலைமையின் அழைப்பின் பேரில் கொழும்பு சென்ற கிழக்கு மாகாண சபை உறுப்பினர்கள் இன்று த.தே.கூட்டமைப்பின் தலைவர் சம்பந்தனை சந்தித்து கலந்துரையாடியுள்ளனர்.

 

இந்த நிலையில் நாளை மாலை கிழக்கு மாகாண சபை உறுப்பினர்கள் ஜனாதிபதியைச் சந்திக்க விருப்பதாகவும் பெயர் குறிப்பிட விரும்பாத பாராளுமன்ற உறுப்பினர் இத்தகவலை தெரிவித்தார்.

 

கிழக்கு மாகாணசபை ஆட்சி அதிகாரம் அமைப்பது தொடர்பாக அண்மைக்காலமாக பல கட்சிகள் பலசுற்று பேச்சு வார்த்தைகளை நடத்தி எந்த முடிவும் எட்டப்படாமல் கலைந்து சென்றார்கள். ஆனால் நாளை இதற்கான இறுதி முடிவெடுப்பதற்கே ஜனாதிபதி மைத்திரிபால இவர்களை சந்திக்கவிருப்பதாக தற்போதைய தகவல்கள் தெரிவிக்கின்றன.

 

நாளை முதற்கட்டமாக த.தே.கூட்டமைப்பின் பாராளுமன்ற உறுப்பினர்களை சந்திக்கும் ஜனாதிபதி, மாலை அனைத்து கிழக்கு மாகாண சபை உறுப்பினர்களையும் சந்திக்கவிருப்பதும் குறிப்பிடத்தக்கது.

த.தே.கூட்டமைப்பு தலைமையும் முஸ்லிம் காங்கிரஸ் தலைமையும் கி.மா.சபை ஆட்சி அமைப்பது தொடர்பாக பல சுற்றுப் பேச்சுக்களை நடத்தியும் இதுவரைக்கும் எந்த முடிவும் எட்டப்படவில்லை என்பதுடன் முதலமைச்சர் யார் என்ற வினாவிற்கும் பதில் காணமுடியாமல் இருக்கின்றது.

22

01 2015

கூட்டமைப்பிற்கு நிபந்தனையற்ற ஆதரவு வழங்கத்தயார் – தமிழ் மக்கள் விடுதலைப் புலிகள் கட்சி

கிழக்குமாகாண சபையின் சமிபகால அரசியல் ஸ்திரத்தன்மையற்ற நிலை தொடர்பிலும், அம்மாகாணத்தின் முதலமைச்சர் பதவிக்கான முரன்பாட்டு நிலை தொடர்பிலும் தமிழ் மக்கள் விடுதலைப் புலிகள் கட்சி மிக ஆழ்ந்த கவனத்துடன் உற்றுநோக்கி வருகிறது. கிழக்குமாகாணத்தை முதற்தடவையாக ஆட்சிசெய்த கட்சி என்ற வகையிலும், தமிழ் மக்களின் கணிசமான ஆதரவைப்பெற்ற பொறுபபுமிக்க அரசியல் கட்சி என்ற வகையிலும் மக்கள் சார்ந்து எம்மீது சுமத்தப்பட்டுள்ள பொறுப்புக்களை நாம் ஒரு போதும் தட்டிக்களிக்கப் போவதில்லை

கிழக்குமாகாண சபையில் தமிழர் ஒருவர் முதலமைச்சராவதற்கு யாருடனும் எத்தகைய விட்டுக் கொடுப்புடனும் செயற்பட நாம் தயாராக இருக்கின்றோம். கடந்த மாகாணசபைத் தேர்தலில் தமிழர்களின் கையிலிருந்த ஆட்சி அதிகாரத்தை எம்மவரே பிடுங்கி எடுத்த நயவஞ்சக அரசியலுக்கு இரையாகாமல் தூரநோக்குடன் செயற்பட நாம் தயாராக உள்ளோம்.
தற்போதய கிழக்குமாகாண சபையில் தமிழ் தேசிய கூட்டமைப்பு தலைமையில் ஆட்சி அமைப்பதற்கும் அக்கட்சி சார்பான ஒருவர் முதலமைச்சராவதற்கும் எமதுகட்சி நிபந்தனையற்ற ஆதரவு வழங்க தயாராக உள்ளது.
தற்போதைய கிழக்குமாகாண ஆசனப்பங்கீடுகள் அடிப்படையில் த.தே.கூ 11ம், ஐ.தே.க 04ம், தமிழர் ஒருவர் முதலமைச்சராவதற்கு ஆதரவு தெரிவிக்கின்ற ஏனையசில மாகாணசபை உறுப்பினர்களது ஆதரவுடனும் எமது கட்சியின் இரண்டு உறுப்பனர்களது ஒத்துழைப்புடனும் கிழக்குமாகாண சபையில் தமிழ் தேசிய கூட்மைப்பினால் புதிய ஆட்சியை அமைக்க முடியும். இதனூடாக த.தே.கூட்டமைப்பு முதலமைச்சர்பதவி மாத்தரமன்றி நான்கு அமைச்சுக்களில் இரண்டு அமைச்சுப்பதவிகளையும் பெற்றுக் கொள்ளமுடியும். ஏனய அமைச்சுப்பதவிகளையும் தவிசாளர் பதவியினையும் ஐ.தே.க க்கும் ஏனைய கட்சி உறுப்பினர்களுக்கம் பகிர்ந்தளிக்க முடியும். எமது கட்சி அமைச்சுப் பதவிகளிலோ அல்லது எனைய பதவிகளிலோ இடம் பெறப்போவதில்லை.
எனவே தமிழ் தேசிய கூட்டமைப்பு எஞ்சி இருக்கின்ற இரண்டரை வருடகாலப்பதியில் தமிழ் மக்கள் எதிர்பார்க்கின்ற தமிழ் தேசியக்கூட்டமைப்பு கூறூகின்ற நியாமான அரசியல் தீர்வினையும், அபிவிருத்தியினையும் பெற்றுக் கொடுக்க முடியும்.

22

01 2015

பெர்னாண்டோபுள்ளேயை புலிகள் கொன்றனர் என்பதில் சந்தேகம் இருக்கிறது? ராஜித

 

Jayaraj- 002ஜெயராஜ் பெர்னாண்டோபுள்ளேயை புலிகள் கொன்றனர் என்பதில் சந்தேகம் இருக்கிறது” இப்படி தனது சந்தேகத்தை வெளிப்படுத்தி இருக்கிறார் சுகாதார அமைச்சரும் அமைச்சரவைப் பேச்சாளருமான ராஜித சேனாரட்ன. அரசாங்க தகவல் திணைக்களத்தில் நேற்றுப் புதன்கிழமை இடம்பெற்ற விசேட செய்தியாளர் சந்திப்பிலேயே அவர் இதனைத் தெரிவித்தார்.

அங்கு அவர் மேலும் உரையாற்றுகையில்: “அரசியல்வாதிகளான நடராஜா ரவிராஜ், ஜோசப் பரராஜசிங்கம், மகேஸ்வரன், ஜெயராஜ் பெர்னாண்டோபுள்ளே, ஊடகவியலாளரான லசந்த விக்ரமதுங்க ஆகியோரின் படுகொலைகளுக்கு பின்புலமாக யார் இருந்தனர் எனத் தெரிய வந்துள்ளது. கொலையாளிகளை சட்டத்தின் முன் நிறுத்த விரைவான நடவடிக்கைகளை எடுப்போம்.” ஜெயராஜ் பெர்னாண்டோபுள்ளேயை புலிகள் கொன்றனர் என்பதில் சந்தேகம் இருக்கிறது. ஏனெனில் ஒருமுறை முன்னாள் ஜனாதிபதி மஹிந்தவுடன் பேசும்போது ஜெயராஜ் பெர்னாண்டோபுள்ளே, ரவிராஜ் போன்றவர்கள் உயிருடன் இருந்திருந்தால் தமிழ் மக்களுடனான உறவு எவ்வாறு இருந்திருக்கும் எனக் கேட்டேன்.

 

இதற்கு மஹிந்த இராணுவத்தினருக்கு அரசியல் பற்றி ஒன்றும் தெரியவில்லை எனக் கூறினார். இந்நிலையில் விரைவில் அரசியல்வாதிகளான நடராஜா ரவிராஜ், ஜோசப் பரராஜசிங்கம், மகேஸ்வரன், ஜெயராஜ் பெர்னாண்டோபுள்ளே, ஊடகவியலாளரான லசந்த விக்ரமதுங்க ஆகியோரின் படுகொலைகளுக்குப் பின்னால் இருந்து செயற்பட்டவர்கள் சட்டத்தின் முன்னால் நிறுத்தப்படுவர். – என்றார் ராஜித.

 

 

 

 

 

22

01 2015